Ekki á morgun heldur hinn...

Nú getur fólkið glaðst því bestasta Ýrr útbjó þessa fínu síður fyrir okkur skvísurnar Auði og Höllu.
Við skvísurnar leggjum af stað til Tokyo á sunnudaginn og ég hlakka mikið til:-) Ég er samt alveg ótrúlega róleg yfir þessu öllu og spenningurinn ekki ennþá kominn í magann ... sé til hvernig gengur að sofna á laugardagkvöldið.
Það er langt ferðalag framundan en hagstæðast var fyrir okkur að fljúga þessa leið: Keflavík - London (skipta um flugvöll í London), London - Kaupmannahöfn (vera í Köben í 7 tíma og nota tímann til að redda JR lestarmiðum fyrir Japan og heimsækja Margréti, Einar og litla prinsinn), Kaupmannahöfn - Tokyo. Lendum í Tokyo á þriðjudagsmorgun (9:35 á staðartíma) finnum hótelið okkar og skoðum næsta nágreni. Segjum betur frá því síðar:-)

Mér finnst alltaf svo ljúft að vera að fara til útlanda því ég er aldrei eins vinsæl og rétt fyrir brottför og er því búin að vera mikið á kaffihúsum og í heimsóknum hjá vinum og vandamönnum til að knúsa bless.
Þar sem ég er alltaf svo "heppin" tókst mér að brjóta upp úr framtönn í vikunni sem mér fannst alveg agalegt, en fékk tíma hjá tannsa strax daginn eftir og er eins og ný. Mér finnst ég mjög heppin að þetta gerðist í vikunni en ekki nú um helgina því ég hefði ekki verið neitt sérstaklega ánægð með það að spóka mig með brotna tönn í útlandinu. Mér fannst nógu erfitt að vera svona þennan sólarhring hér heima.

Ég vona að þið njótið þess að fylgjast með okkur vinkonunum í útlandinu og ekki vera feiminn við að kommenta ef þið hafið eitthvað að segja.

Til ykkar sem ekki fenguð knús bless, lofa ég "hæ aftur" knúsi.

Knús og kossar Auður.